Muamua atu i se lipoti lata mai mai Gaza, lea ua faailoa mai i lipoti le fuafuaga a le militeli a Isaraelu e pamu atu le suavai sami agai i ana poo tunnels a Gaza lea e talitonuina o i tonu o loo faamautu ai le autau a le Hamas.
O le vaegaau tau le puipuiga a Isaraelu le Israel Defence Forces poo le IDF ua o latou fausia ni pamu se lima e faaaogā i le fanaina o le suavai sami i totonu o ia ana e talitonuina o i foi sa taofia ai e le Hamas tagata na o latou ave faapagotaina.
Fai mai le faauluuluga o le IDF, Herzi Halevi o se tasi lea o faamoemoe o le latou osofaiga o le faaleaga o ituaiga nofoaga ia poo tunnels ma ua o latou nofo sauni foi iai.
Ua faailoa foi e le minisita o le puipuiga a Isaraelu o loo faauau pea ona agai i luma le osofaiga a lana fitafita agai i nofoaga i lalo o le eleele ma ua lē o toe mamao ona faaleagaina lea o nisi o nofoaga o le Hamas e talitonu o loo iai i ia faaitu.
O isi lipoti i le asō ua ta’ua ai o Niu Sila le isi atunuu ua faaopoopo atu i atunuu o loo valaau ia Isaraelu e taofia loa osofaiga i totonu o Gaza.
