O loo faaauau ona tapunia pea i le asō aoga i Wairoa a o faatumauina pea le lapataiga o faalavelave faafuasei, le state of emergency.
E silia ma le 400 fale i Wairoa o lea na lolovaia uma ona o timuga mamafa na iai i Hawke’s Bay ma Tairawhiti e amata mai i le po o le Aso Lua ma faasolo mai ai ananafi.
E oo mai i le taeao nei e lē o iai ni lapataiga mai le ofisa o le vaaitau e ui o loo faaauau pea ona pa’ū le timu ma o lea ua māmā i East Coast.
O se tala mai le pulenuu i le taeao nei, o nisi o fale na lolovaia e lē o inisiua ma o lea faato’ā oo lea o Wairoa i se tulaga faapea.
A o fautuaina ai la le faaauau pea ona tapunia o aoga i le asō, o lea foi ua aumai le fautuaga mai le NZTA i avetaavale uma o loo faaaogāina motorways i lea vaega o le North Island ia faaeteete ma e pau le stateway o loo tapunia pea i le taeao nei o le SH38 i le va o Frasertown ma Lake Waikaremoana.
Ua māua e tala fou o le ta o le iva i le taeao nei e fono ai le puleganuu ma le toatele o ta’ita’i Hawke’s Bay e talanoa lapataiga o faalavelave faafuasei aemaise o galuega faamamā.
Puna o Faamatalaga: Weather: East Coast wakes to huge clean up after floods (1news.co.nz)
