Mae’a Paralympics, 9 pine a Niu Sila na maua
E 9 pine na maua e le autaalo a Niu Sila i le Paris 2024 Paralympics lea ua faato’ā faamae’a atu ma ua saunoa ai le ta’ita’i malaga o le ‘au, Raylene Bates e uiga i le lu’itau e saili ni fesoasoani mo le isi augatupulaga o tagata taaalo a o faaauau pea ona faatupula’ia […]
Pu’e e leoleo se alii ona o le osofa’ia o se avepasi i Aukilani
Ua pu’e e leoleo se alii i le faalavelave na faaoolima ai se tasi i se avepasi i Aukilani. O le One News ua lipotia ai i le asō na logoina leoleo i le mataupu lea i Avondale poo le kuata e te’a ai le 10 i le taeao o le Aso Toonai na te’a […]
Faasā pea ona faailoa le igoa o le talavou ua molia i le maliu o Maxwel Dee Repia
Na tula’i i le asō i le Faamasinoga Faaitumalo i Aukilani se alii talavou e 19 tausaga o loo molia i le fasiotia o Maxwel Dee Repia i Grey Lynn i le vaiaso talu ai ma ua faailoa e lē o mafai lava ona faailoa le igoa. Ua faailoa e le Newstalk i lana lipoti […]
Potopoto le komiuniti o tagata Samoa i Aotearoa mo le sauniga faamanatu o nai alii faigaluega faavaitaimi e to’alua na maliliu i le faalavelave i Ramarama
Faailoa le faaaloalo ma alofaaga o le komiuniti o tagata Samoa i Aotearoa i le sauniga faamanatu mo nai alii faigaluega e to’alua i galuega faavaitaimi sa maliliu i le faalavelave tau taavale i Ramarama i le aso 26 o Aokuso i le tausaga nei e pei ona lausilafia e le to’atele lenei faalavelave, to’atolu […]
Faailoa se finagalo o Seymour faatatau i ta’ita’i kerisiano ma le Treaty Principles Bill
O loo ave le faamalo a le Leipa ma le Greens i ta’ita’i Kerisiano mo lo latou lē taliaina o le Treaty Principles Bill peitai ua faailoa e le ta’ita’i o le ACT, David Seymour e lē o se taimi muamua lea ua taumafai ai ekalesia e taofia tagata mai le faaleo o finagalo i […]
Taumatemate e le aufiafia i le lakapi le i’uga o le taaloga faigata a le All Blacks ma le Springboks i le Aso Sa o muamua
Faamata e mafai e le All Blacks ona manumaloina le la taaloga i le faai’uga o le vaiaso ma le Springboks? O le fesili tele lea i manatu o le to’atele a o sauni ai ‘au e lua mo le isi a la fetauiga. Ae i se faatalanoaga a le faia’oga o le ‘au, Scott […]
Taunuu i se maliega le mataupu a le NZ Rugby ma ana stakeholders
O le mataupu i nisi o tulaga sa alia’e mai i le pulega o le NZ Rugby faapea lana fono faatonu ua mae’a soalaupule ina ua malilie iuni faaitumalo ma stakeholders, faapea le Super Rugby Franchise ma le asosi o tagata taalo lakapi a Niu Sila e faamuta loa ia feeseesea’iga. O le stuff.co.nz o […]
Pu’e e leoleo alii e toalua, feta’ua’ina le faatau atu o taavale gaoi i maketi i fafo
Ua pu’e e leoleo ni alii se to’alua e feta’ua’ina lo la faamalepeina ma le aveina atu i fafo o taavale gaoi i Upper Hutt ma Kalaiesetete. O su’esu’ega sa faia a leoleo ma le Customs poo le ofisa o tiute ua pu’eina ai i laua ia e 21 tausaga o le isi mai Upper […]
Su’esu’e e leoleo le faalavelave i Grey Lynn, to’atasi ua maliu ai
Ua faailoa e le leoleo su’esu’e o Glenn Baldwin i le aufaasalalau i le asō na maua atu se alii e tigaina ona manu’aga i se tuatusi i Tuarangi Rd i Grey Lynn i le po anapo, faia iai galuega lavea’i peitai na maliu lava mulimuli ane. O le faalavelave lea ua lipotia na aga’i […]
Faamanino e Collins le tulaga o Niu Sila i le Operation Olympic Defender
Na saunoa le minisita o le Puipuiga a Niu Sila o Judith Collins e tumau pea le tulaga maualuga o Niu Sila i totonu o se operation e faagaioia e Amerika ina ua taliaina e le atunuu le valaaulia mai ia Amerika ina ia auai faatasi i le Operation Olympic Defender lea e auga tonu […]
Faamautū le faai’uga a le NRL i le faasalaga o Latrell
Faamaonia i lipoti i le asō mai le NRL ua faatonuina aloa’ia le alii taalo o Latrell Mitchell e lē taalo i le taaloga e tasi pe a amata mai le taamilosaga o le tausaga fou 2025 e ui i nisi o faamatalaga sa ia faia faapea lana kalapu. Ua faailoa e le 9News sa […]
Lapata’ia tagata Sini ia faaeteete i ni afi e ono sasao ona o le vevela
Ua lapata’ia tagata i Sini ia faaeteete i afi ona e fai si vevela o le ea i le asō. O Greater Sydney ma le Illawarra o loo faamamafa iai le lapata’iga ona e ono oo atu i le 30 tikeri le vevela faamauina o le asō. I Sini lava ia ua lipotia na amata […]
Faamālōlō e le Swimming Australia le alii faiaoga o Michael Palfrey
Ua faamālōlō e le Swimming Australia le alii faia’oga o lana ‘au na ave i le Olimipeka talu ai nei o Michael Palfrey e mafua mai i ana faamatalaga sa faia i le taimi o ia taaloga i Paris. Ua lipotia i le 9News sa ia faailoa ai i le aufaasalalau mai Korea o ia […]
$4.7 piliona ua faatulaga e le Malo mo le tali atu i sauāga
E $4.7 piliona le vaegatupe lea ua fuafua le faigamalo a le Feterale poo le faigamalo o loo tula’i mai i le taimi nei, e faatino ai ana fuafuaga e tali atu ai i sauāga i aiga ma sauāga e patino i ituaiga o tagata. O le alii Palemia, Anthony Albanese na ia faailoa lea […]
Molia alii e to’atolu i le gaoia o fana mai se falemata’aga i NSW
Ua molia e leoleo i le asō ni alii se to’atolu e feta’ua’ina e 27 fana na o latou gaoia ina ua osofa’ia se falemata’aga poo se museum i NSW. O i latou e to’atolu e aofia ai se alii e 46 tasaga, 41 tausaga ma le 27 tausaga ua pu’eina uma i le vaiaso […]
Tupe maua i le fā’alo o se fale, poo ai e tatau ona ia mauaina?
E iai se mataupu o loo finauina nei i le faamasinoga e aofia ai se ulugalii mai Kalaiesetete na o la maua se vaegatupe e 232 afe i le fā’alo o le la fale i le 2021 ma ua manana’o nei e talosaga mo le tupe lea ina ia tuuina atu ia i laua. Lipotia […]
Maua e leoleo i Queenstown, fana, fualaau faasāina ma tupe i osofa’iga na faia
Ua maua e leoleo i Queenstown Lakes, fualaau faasāina, tupe ma auupega o fana, i se vaega o le latou su’esu’ega o loo taula’i ia i latou e sapalaia fualaau faasāina. O loo ta’ua i se faatalanoaga a le leoleo su’esu’e o Nicola Clark ma le RNZ e faapea o search warrants sa faamatuu atu […]
Gaoia le taavale sa iai totonu togiga a le aupii a se Kolisi i Aukilani
O le taavale sa iai i totonu le togiga a le aupii a le Kolisi o De La Salle, na gaoia i New Lynn ae lei amataina le taamilosaga sa aga’i atu le aoga e auai ai i le Aso Gafua. Ta’ua e le leoleo asiasi o Kelly Farrant i le lipoti a le One […]
Una’ia e leoleo tuaoi i le vaipanoa na tupu ai le faalavelave i Hamilton e faatatau i ni lavalava e ono maua i o latou lotoā
Ua una’ia e leoleo tuaoi i le vaipanoa na tupu ai le faalavelave i Hamilton na uma ai le ola o le tamaititi 8 tausaga sa lipotia atu muamua, ina ia aua ne’i o latou lafoa’i ni lavalava latou te mauaina i o latou lotoā ae ia faafesoota’i vave leoleo. O loo faaauau le su’esu’ega […]
Mu se loli i le M5, poloka ai feoa’iga
Na poloka le alatele i le M5 i Sini i le asō ina ua mu ai se loli i Moorebank Avenue. Ua t a’ua e lipoti a le 9News na vaaia le asu o alu ane mai le loli lea ina ua mu a o aga’i ane e lata i Liverpool. Sa tapunia uma ai […]
Eseese uiga o le tau mo Ausetalia i le amataga o le Spring
E fesuisuia’i lava uiga o le tau mo le vaiaso muamua o le spring i Ausetalia. O isi faaitu o loo aafia i matagi malolosi ma le vevela i nisi nofoaga, o isi foi faaitu i Western Australia o loo fautuaina e ono to’ulu ai se aisa poo le snow. Ua faailoa e le vaaitau […]
E lē afua le kanesa o le ulu ona o telefoni feavea’i
Ua faailoa le i’uga o se su’esu’ega na faia e Ausetalia ma ua iloa ai o telefoni feavea’i e lē maua ai se tagata i le kanesa o le ulu. O le iloiloga sa faia faavaomalo ma faamautūina e le World Health Organisation, ua aoina ai ma silasila i faamatalaga uma mai tagata e 63 […]
Maua e leoleo le Audi e talitonuina na lavea ai le tagata i Melepone
Ua maua e leoleo i Melepone se taavale na aofia i le faalavelave na lavea ai se tagata ae lei tu ane lea taavale ma o loo manu’a tigaina ai se alii mai Melepone lava. O le fesoasoani faavave na valaau ane i le faalavelave lea poo le 3 i le aoauli ananafi ina ua […]
Lipotia o le a faamavae Bill Shorten mai le polokiki
O lē sa avea ma ta’ita’i o le Leipa i tausaga ua mavae, Bill Shorten ua lipotia o le a faalauiloa lona mālōlō litaea mai upufai o malo i se feiloa’iga ma tusitala i Canberra. O lipoti a le 7News ua ta’ua ai lea tulaga ma ua lipotia foi o le a iai faatasi ma […]
Mafatia le aiga o si alii ua maliu i le faalavelave i Kuiniselani, fai mai sa alu i le faleoloa e faatau se susu mo lana kofe
Ua manatua se tasi o tamā, o se atalii poo se uso foi na maliu ina ua lavea i se taavale i Kuiniselani i le vaiaso nei, o se tagata agaalofa ma se uo lelei. O Colin Watson sa savavali ane ma se tasi o ana uo i le vaveao ananafi i le auala i First Ave i Kuiniselani ae […]
Faamalolo le faiaoga lagolago a le Queensland Cowboys
Ole faiaoga lagolago a le Queensland Cowboys, o se tasi iloga foi i le taaloga lakapi liki, James Maloney ua faamalolo e le kalapu fetaua’ina sa molia i le ‘ave taavale ōnā. O lana faamatalaga pei ona ta’ua i le ABC, o se moliaga maualalo ma faailoa foi e se sooupu a le kalapu sa tulaga lelei le faatinoina o le mataupu mo itu […]
Aumai tagata popoto faapitoa i nuclear radiation e faia su’esu’ega faatatau ise ofisa i Sini ua toalima ua aafia ai i le kanesa
O le aafia o tagata e faigaluega faatasi i se ofisa i Sini i le gasegase ole kanesa, ua ave ane ai se ‘au su’esu’e i tulaga faaniukilia, nucler experts ia faia se suesuega pe iai se aafiaga oi latou uma ua aafia mai le ofisa o le Liverpool City Council. Lipotia e le 7news e toalima […]
Talia le talosaga mo le fausia o se aai fou i Western Sydney
Ua agiga lipoti i le vaiaso nei e faatatau i se isi aai fou o le a fausia i le itu i sisifo o Sini, faitau afe fale o le a fausia ai faataamilo i le Western Sydney Airport. O le faigamalo a le setete ua o latou taliaina le fuafuaga lea a le Bradfield City Centre […]
Tapunia se aoga i Melepone ona o se faamata’u faia i le social media.
E iai le aoga i Melepone na tapunia i le asō ona o popolega i se faamatau na fai ane i luga o le social media. Lipotia e le 7news o St Bede’s College i Mentone e i le itu i saute sasae o Melepone ma o le taeao analeila na tapunia ai mai le te’a laititi o le […]
Maua le isi pine faaopoopo a le ‘au ta’alo a Niu Sila i le Paralympics.
I se lipoti lata mai o le ‘au taaalo a Niu Sila i le Paralympic Games o loo faagasolo, ua faailoa mai ua toe maua foi se isi pine i le tamaitai o Anna Grimaldi lea ua pine ‘apa memea i le 100 mita a tamaitai, T47finals. O Grimaldi sa ia umia se matati’a i le Oceania ma […]