Ua tuuina le faasalaga oti i se tamaitai i Thailand ona o le fasiotia o ana uo e to’a 14 e faaaogā ai le cyanide e faa’onanā ai.

O le tamaitai e suafa ia Sararat Rangsiwuthaporn e 36 tausaga ua faamaonia lona tuuina o le vailaau e faa’oona ai meaai ma vaiinu a ana uo ua maliliu a o alu sa latou malaga i le tausaga na te’a nei.

O su’esu’ega na faia ia i latou na maliliu na iloa ai le cyanide i o latou totogi se’i tulou.

Faia ai loa ma su’esu’ega a leoleo ma iloa ai e iai isi na faatino foi iai e lea tamaitai lea gaioiga.

Fai mai leoleo i Thailand o le tamaitai ua molia nei e faaigoa e le aufaasalalau o Am Cyanide e iai lona faafitauli o le fiafia e ta’alo tupe ma o ana uo sa ia aitalafu tupe ai lea ua aga’i iai ana faiga ia ua faa’onā meaai ma meainu aemaise lona gaoia o jewellery ma isi meatotino a ia tagata.

O le i’uga la ua tuuina e le faamasinoga o le faasalaga oti.

Puna o Faamatalaga: https://www.bbc.com/news/articles/c1jr2z9315lo