Fai mai leoleo na tafana ane i latou mai se taavale a o faia se tuliga i le asō i Aukilani.
Taua e le One News o se tuatusi faapisinisi i Manurewa i Maich Rd na osofaia ma gaoia i le tea o le 10, taunuu atu leoleo i le nofoaga lea ma maua iai se taavale e talitonuina na aofia i le mataupu lea.
Taua e le leoleo suesue o Karen Bright i le Televise tasi na mulimulitai ai leoleo i le taavale lea ae tafana ane ai latou e se tasi sa i totonu o le taavale.
E lei iai se malu o le malo na faamanualia ae mulimuli ane na taofia ai e leoleo le taavale i Landscape Rd i Papatoetoe ma pueina ai loa tagata e toalua ma maua ai ma le auupega na faaaogaina.
Ua taua i le lipoti na faatuai ai ma isi faigamalaga i le malaevaalele i Aukilani ona o le vaalele helicopter a leoleo sa faaaogaina i le tuliga lea e pei ona faamaonia mai e le Airways NZ.
