Search
KJA Contractos LTD

Sulu i le faamasinoga le Fono Faavae, ina ua lē faia e le kamuta le galuega o le ofisa tutotonu

Ua i luma nei o le Faamasinoga Maualuga a le atunuu se tagi ua faaulu e le ta’ita’ifono ma le komiti o le Fono Faavae a le itumalo o Salega 1, i le taumafaiga e toe faafoi atu i le komiti le seleni e selau ma le valu afe tala ($108,000) o le tau o le galuega o le fausia o le ofisa tutotonu o le Fono Faavae a lea itumalo mai le uluai miliona tala na faasafua i itumalo faapalota e 51.

Ua silia i le tausaga talu ona faamatuu i le konekarate faufale o le KJA contractors e faagaioia ma umia ese tamalii mai afioaga o Falelima ma Vaimoso.

O le tau o le galuega e pei ona faailoa i faamaumauga o le tagi a le Fono Faavae a Salega 1 e 120 afe ae na faamatuu le 90 pasene o lea tau i le konekarate ma le tuutuuga e faamae’a pe a uma ona fau le ofisa tutotonu.

O loo faaalia foi i faamaumauga o le mataupu tau faamasinoga lenei, sa faatuai le galuega ona o se mataupu e faasino i le fanua, ae ina ua mae’a ona soalaupule lea vala, e logo atu le konekarate ua tatau loa ona amata le galuega ae ua lē faia.

Na malaga i Amerika Samoa le faipule o le ta’ita’ifono foi o le Fono Faavae a Salega 1 i le fia feiloai i lē e ana le konekarate e faatalanoa le galuega, ina ua maua tala ua malaga i Tutuila mo se isi galuega.

O le lē faia o le galuega ua mafua ai ona sulu le itumalo palota i le faamasinoga.

Na valaau i le masina na te’a nei le mataupu ae ua toe tolopo mai i le masina nei o Aokuso e faatalatalanoa ai le mataupu i le va o le itu auai o lenei mataupu tau faamasinoga.

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

WATCH LIVE NOW

Keep uptodate with Radio Samoa activity & promotion

* indicates required