Ua faailoa le shadow cabinet poo le kapeneta a le itu agai e agatonuina le malo, ma I le faatulagana, o lea ua demote e le taitai o le National, Judith Collins I laua sa avea ma taitai o le pati I le paeaiga talu ai

O Todd Muller lea na faamavae ae pasi mai ia Collins, ua pau lona tulaga mai le numera 8 sa iai I le lona 19. A’o Simon Bridges, o lea ua aveese mai le va I fafo sa ia vaaia, faatumauina pea le faamasinoga, ma pau lona tulaga I le lona 7

O le isi suiga tele a Collins I le faatulagana o la latou vaega, aveese mai le vaega o tupe mai Paul Goldsmith lea e fai si tele o ana mea sese I le paketi ae le I faia le palota, ae tofia ai sui e toalua, o le isi o tupe maua tu mai ai Andrew Bayly, ao le is o le minisita o tupe lea ua ave ia Michael Woodhouse

O Collins o loo I lana vaavaaiga tagata Pasefika faatasi ai, o le a ia agatonuina le tamaitai palemia I le vaega o le national security & intelligence

O lana sui taitai, Dr Shane Reti o le soifua maloloina ma fanau

Sui faipule aupito I laititi, Simeon Brown, 29 tausaga lea ua ia vaaia le matagaluega o leoleo

Sui fou ia Christopher Luxon e le o lavea I le vaega pito I luma a le National mo le taimi nei

Saunoa Collins, o le fesuiga o le faatulagana o le kapeneta a le itu agai ua iai, o le a taula’I lea I le soifua maloloina ma le tamaoaiga o le atunuu O le faatolu lea ona fesuia’I tofiga ma matafaioi a le National I totonu o le tausaga nei