Ua faailoa e le minisita o fela’ua’iga Simeon Brown auala e faaitiitia ai tupe alu faatasi ai ma le faiga e faamalosia ai le faia o lipoti mo tupe faaalu.
Ua faia le iloiloga e faatatau i vaega o loo faia ai galuega e tusa ma le 800 i luga o highways i le masina o Fepuari ma sau ai le tala o le 145 o galuega e lei moomia ai ni temporary traffic management.
Na ta’ua ai e le minisita o le soona faaaogā o cone ma faaitiitia le saoasaoa faatapulaa o le o a taavale, o lea na iai taimi ua na ona faatutū ae ua uma galuega fai ma o itu nei e ma’umau ai tupe, lē fiafia ai avetaavale ma lemu ai fua taavale.
Ua fai mai ai ma le minisita o le suiga fou ua agai iai o le a lē toe soona faalagolago ai i cones, ma o le a iai foi suiga i le faiga o konekarate faapea le mata’itūina o le saogalemu ma le faasoasoa lelei o tupe faaalu.
Ua tuu mai i lipoti, o lea foi o le a tāpā lipoti mai le NZTA faapea pulega o loo faia galuega i luga o auala i kuata taitasi o le tausaga e iloa ai tupe faaalu, ma e amata aloaia mai ia Oketopa.
Puna o Faamatalaga: Transport Minister outlines battle plan in war on road cones (1news.co.nz)
