O loo suesueina nei e le Integrity Unit a le NRL se mataupu e aofia ai le alii taalo o le Sydney Roosters, o Victor Radley lea sa taalo mo Egelani i le semifinals ma le Toa Samoa.
O le lipoti o loo galuue faatasi ai le unit lea ma sui mai le Ipu o le lalolagi ma o loo feta’ua’ina ai se vevesi e aofia ai Radley ma se isi tama taalo a Aialani, James Bentley i se faletalimalo.
Faapea se lipoti mai le 7news na valaaulia ane Bentley i le faletalimalo o loo aumau ai le ‘au a Egelani ma ua ta’ua foi e nisi na iai i le vaega na tupu ai lea mataupu e faapea e le o Radley na amataina le vevesi ae feta’ua’ina e mafua ona o se faamatalaga sa faia faasaga i le faiaoga o le ‘au a Egelani ona o le lē filifiliina o Bentley i le taaloga.
O loo faatalia se iuga o le suesuega i lea mataupu.
