E lei amataina le Olimipeka i Paris ae o lea ua lipotia o loo suesue e leoleo se faaseā a se tasi o tulisi mai Ausetalia nei e faapea sa faia ni uiga matagā fai faamalosi ia te ia e ni alii se toalima i le laumua o Farani e pei ona lipotia e le aufaasalalau mai lea atunuu.

I lipoti mai le 9News ua ta’ua ai sa saili se lafitaga o lea tamaitai i se fale’aiga kebab i le faaitu sa iai i le vaveao o le Aso Toonai na te’a nei ma valaau ai loa e le aufaigaluega leoleo ina ua vaaia le tulaga sa iai sia tamaitai.

Ua ta’ua i lipoti sa faasua’avā ma e lei tele nisi faamatalaga sa ia tuuina i leoleo.

E 25 tausaga le matua ma na aveina atu i le falemai lata ane ma ua faailoa foi e leoleo mai Paris o loo faia suesuega i lenei mataupu.

O nisi lipoti ua ta’ua ai sa tatau ona toe taliu mai i Ausetalia lea tamaitai i le faai’uga o le vaiaso na te’a nei peitai e lē o mailoa pe ua toe foi mai.

O loo faatalia e le 9News se faamatalaga mai le matagaluega o le va i fafo e tusa o lea mataupu.

Puna o Faamatalaga: https://www.9news.com.au/world/police-investigate-reported-rape-of-australian-woman-in-paris/f064f3f6-52c2-4db9-9bc5-f7ff95a55397