E foliga ua tau faaiuputa koneseti a le tamaitai pese o Taylor Swift i Ausetalia nei ina ua maua le tala ua suesue nei e leoleo le tamā o le teine pese ina ua feta’ua’ina lona faaoolima i se tasi tagata faasalalau.
Fai mai le ABC o se tasi o le paparazzi, Ben Macdonald sa taumulimuli i le tamaitai pese a o iai i lana malaga taamilo i Ausetalia ae tu’i ai e le tamā o Taylor, le alii o Scott Swift i le uafu i Sini.
E 71 tausaga o Scott Swift ma ua suesue nei e leoleo ae fai mai le alii pueata, ua 51 tausaga talu ona faigaluega i lana galuega ae faatoa faaoolima lava lea o se tasi ia te ia.
Fai mai e lē tigaina tele manu’aga ae manatu nisi e foliga ua toe faaleaga lava e si mataupu laititi lea le tour manaia a si teine o Taylor e silia ma le 81 afe i latou na auai ai i ana faaaliga i Sini.
