O loo faagasolo nei le su’esu’ega mo se talavou i le mae’a ona alu o sana ta’elega i le itu i Sisifo o Niu Sa Uelese.
O le tama talavou e16 tausaga na le’i toe vaaia ina ua aga’i i sana ta’elega i le Macquarie River e lata i Sandy Beach i Dubbo poo le te’a o le ‘afa o le 5 i le afiafi ananafi.
O loo faamatalaina o le talavou lea e mai Aferika, pe ā ma le 175 cm le umi ma e tino lelei.
Na mulimuli vaaia o ia la’eiina se ofuvae adidas lanu moana.
O leoleo, SES ma le VRA Rescue NSW o loo galulue faatasi i le sa’iliga o lea talavou.
E lē o tele ni faamatalaga o avanoa mai o lenei mataupu ae o loo faaauau pea le su’esu’ega.
Ua toe fafagu ai ma nisi o faamanatu mai leoleo i tagata ina ia tautuana itu tau le puipuiga ma le saogalemu pe a aga’i i ni ta’elega e lē gata i le vai ae faapea foi ma le sami.
Puna o Faamatalaga: https://www.9news.com.au/national/boy-missing-in-macquarie-river-dubbo-nsw/3ff91e1f-683f-42b5-a4b9-117652d9241c
