O lea ua faalauiloa mai e leoleo le igoa o le tamaitai e masalomia o loo ia faalafiina Dariush Talagi.
O lea o le a uma Aokuso e lei maua lava Talagi poo le alii o loo tau sailia e tusa ma le feeseeseaiga na tulai mai i le taulaga faatau i Aukilani ma fana ai nisi sa iai i lea taimi.
O le mataupu foi lenei ua uma ai le soifua o le toatasi.
O Talagi 24 tausaga o loo sailia pea nei, peitai ua faamaonia mai foi e leoleo o loo fia maua foi Tiari Boon-Harris, poo ia lea o loo masalomia o loo fesoasoani e faalafi Talagi.
