Ua faamatuu mai e leoleo videos mai le CCTV o se alii o loo sailia nei i lona osofaia o tamaitai e faaaogā ai ni auupega ma gaoia meatotino a i latou ia ma faafefe.

E toafā tamaitai na maua ane ai e leoleo lipoti na osofaia e lea alii i faaitu o Toongabbie, Northmead ma North Paramatta fai mai sa ia agai atu ma se naifi faamoe ma se samala.

Fai mai leoleo mai faamatalaga a ia tamaitai uma e toafā, ua iloa ai e foliga o le tagata lava lea e tasi ma pe ā ma le 20 tausaga le matua.

E talitonu leoleo e foliga e na o ia o loo aofia i nei soligatulafono ae ua fautuaina ai tamaitai ia alofia le savavali na o latou i nofoaga pogisa ma e lē o toatele nisi o iai.

Ua fautuaina tagata ia vili vave leoleo pe a silafia lea alii ma se mea o iai.

Puna o Faamatalaga: https://www.9news.com.au/national/sydney-police-release-cctv-hunt-for-armed-man-targeting-women-in-sydney/41fe36a2-bc0a-4a4c-857b-5fe74dfa95cf