O se tasi o mataupu ua alia’e i lenei vaitau ma o loo mata’itū foi e leoleo, o le faatupula’ia lea o le aofa’i o tupulaga talavou e pu’eina ona o le tietie i tua o trains ma trams lea e faaigoa i le faaperetania, buffer riding.

Fai mai le 7News e to’atolu talavou na pu’eina i le vaiaso nei ma lapata’ia i le mataupu lea ae to’alua isi o loo su’e pea e le’i maua.

O le to’alima lea na vaaia o tietie i tua o trains mai le Harbour Bridge i le afiafi o le Aso Sa na te’a nei ma le Aso Gafua foi e pei ona faamaonia mai e leoleo.

O le po o le Aso Gafua na te’a nei poo le ‘afa o le 9 na vaaia ai se isi tama talavou i ata a le CCTV o tietie ane i tua o se tram i George St i le city, fai mai na vaaia o pa’ū ese mai le tram ae le’i faamanu’alia.

O le matutua o i latou na pu’eina e leoleo, 13 ma le 14 tausaga.

Faaauau le su’eusu’ega a leoleo ia i latou o loo fai ma amio le faia o ia uiga e lē gata e lē saogalemu mo latou lava ae faapea foi i tagata lautele.

Puna o Faamatalaga: https://7news.com.au/news/three-teenagers-cautioned-over-buffer-riding-on-sydney-trains-as-police-search-for-two-others-c-17458318