O loo mana’omia e leoleo se alii talavou ona o ni osofa’iga na faia i ni fale i Western Sydney ua lipotia na aafia ai nai tinā matutua pe ā ma le ta’i 80 tausaga le matutua.
Fai mai le 7News e talitonu leoleo o le alii lava lea e tasi faaa’upegaina i se naifi, na ulufale faamalosi i ni fale se lima i Merrylands i le va o le 4 i le vaveao ma le ‘afa o le 6 i le taeao analeila, ma i totonu o le taimi lea o loo tuua’ia ai i le taumafai e faaoolima matagā i ni tina matutua se to’alua e pei ona ta’ua.
Ua faagasolo i le taimi nei su’esu’ega a leoleo i nofoaga uma na aafia ma o loo una’ia tagata e aumau i nofoaga ia ina ia faailoa ane pe faamaonia o o latou fale lea sa aga’i iai ia osofa’iga.
O loo faamatalaina e talavou le alii lea ma o loo su’e pea e oo mai i le taimi nei.
Puna o Faamatalaga: https://7news.com.au/news/man-sought-by-police-after-allegedly-invading-five-home-and-attempting-sexual-assaults-in-western-sydney-c-17946379
