Ua solia e le kamupani tele a le Bunnings tulafono faalilolilo e ala i le faaaogāina o le latou faiga fou e mātau ai foliga, facial recognition technology lea e faaaogā i tagata faatau, ua faailoa mai ai nei le i’uga o su’esu’ega a le Privacy Commissioner.
O le faai’uga ua faailoa mai o le su’esu’ega sa faia i totonu o le 2 tausaga ua ta’ua ai o tagata e aga’i atu i faleoloa a le Bunnings atonu e latou te lē o iloa le tulaga lea o loo faaaogāina aemaise o le aoina ai o faamatalaga tāua e faatatau ia i latou e tusa pe na o sina taimi na aga’i ane ai.
O le faai’uga o lenei su’esu’ega o le a telē sona aafiaga i le faaaogāina foi e isi pisinisi Ausetalia o le ituaiga tekonolosi lea i le lumanai.
Ua maua ai i su’esu’ega a le Komesina ua faalavelavegia e Bunnings tulaga faalilolilo o tagata pe ā ma le faitau afe, tagata faatau sa ulufale i faleoloa e 62 o le Bunnings i NSW ma Vitoria i le va o Novema 2018 ma Novema 2021.
Fai mai le su’esu’ega e le’i maua e Bunnings le faatagana sa’o sa tatau ona iai e faaaogā ai lea faiga tekonolosi.
Ua faatonuina e taofi loa le faaaogāina ma ia lafoa’ia uma faamatalaga o le aufaatau sa o latou aoina mai tagata faatau.
Puna o Faamatalaga: https://www.abc.net.au/news/2024-11-19/oaic-investigation-into-bunnings-facial-recognition/104613700
