O le vae lona ono ma le taualuga o le taamilosaga lakapi faaitumalo o lenei tausaga 2023 ua sola ai nei le ‘au a le Taula Vaimauga ma le Talita a le peresetene o le siamupini foi lea, ina ua manumalo i le la taaloga ma Vailima Faleata i ‘ai e 41 i le 36.
I le vaega o ‘au e i lalo o le 20 tausaga le matutua poo le Under 20 ua siamupini ai nei le ‘au a Palauli le Itumalo, na malolo ai le ‘au a le Taula Vaimauga i ‘ai e 17 i le 23.
O loo faagasolo nei le taamilosaga a aoga i le atunuu o se tasi o taamilosaga tāua i le kalena o taaloga faagasolo a le Lakapi Samoa i tausaga taitasi.
