E silia ma le 11 afe le au faitaavale ua faamauina le solia o tulafono o le alatele ina ua maua lelei i meapueata mo le saogalemu poo safety cameras i luga o le auala.
O NSW lea na fai iai le suesuega ma o totonu lava o le piliota o le masina lea na faamauina ai lea aofaiga tele o le ausolitulafono.
O nisi ata ua maua atu ai pepe o faataooto i luga o vae o le pasese e leai ni nofoa pe faia foi ni fusipa’u.
Fai mai le lipoti e oo atu i le 4.7 miliona le aofai o ia faasalaga tuufaatasi ae i totonu o le 21 aso.
Na saunoa ai le minisita o le alatele, John Grahaam e matua’i faate’ia i lea tulaga.
O le faasalaga amata o soligatulafono e aofia ai fusipa’u e amata i le $410 ma le 3 demerit points ma o le 75 pasene o soligatulafono na faamauina e faatatau i le lē faia o fusipa’u.
O isi soligatulafono taatele o loo maua i meapueata o le faaaogā o le telefoni ma ave le taavale ma le fafagaina o pepe i le pito i luma o le taavale ae leai se nofoa poo se fusipa’u mo le saogalemu o le tamaitiiti.
Puna o Faamatalaga: https://7news.com.au/news/babies-on-laps-among-startling-scenes-captured-in-nsw-cars-after-safety-camera-blitz-c-15591810
