O loo silasila nei le minisita o Femalagaa’iga, Erica Stanford i fetuunaiga i le family visa poo le visa tau le aiga i le kuata lenei ma o le a iai se faamoemoega mo le faaumiumi o le taimi faatagaina i ia visa mo nai mātua e malaga mai fafo faapea foi mātua o mātua, grandparents.
Ua faailoa foi i le lipoti a le RNZ o loo fia faatino e le minisita ni suiga i le faiga faavae mo le visa mo paaga poo le partnership visa lea ua feta’ua’ina ai e lē ono aogā ai le tāua o faaipoipoga e faatulaga i ni tulaga tau aganuu, culturally arranged marriages, o se mafuaaga e talosaga ai mo lea visa.
O le National ma le ACT lea sa o la tau fai tuuina ane le mataupu lea ia faaumiumi taimi mo visa ia mo mātua i le taimi na faia ai le faigapalota talu ai, sa finauina ai e le ACT e faaoo atu le umi o le visa lea o mātua i le 5 tausaga ma toe faafou.
O le taimi nei e mafai ona nonofo mātua i lalo o le visa lea mo le oo atu i le 18 masina i lalo o le visa tolu tausaga lea multiple entry visitor visa.
Fai mai le minisita o loo galulue i le tulaga lea i le taimi nei.
Puna o Faamatalaga: https://www.rnz.co.nz/news/national/513313/visa-conditions-for-parents-grandparents-to-be-revised-this-term-immigration-minister
