Ua saunoa le Premier o Niu Sa Uelese, Chris Minns o loo silasila toto’a nei le faigamalo i le toe faafoi o tupe a tagata poo refunds ona o faatuai ma fesuia’iga i faigamalaga a trains.
O loo finau mai le ta’ita’i o le Itu Agai, Mark Speakman e tatau ona toe faafoi tupe a tagata aemaise i le tele o le mau fesuia’iga i lea auaunaga.
Na saunoa Minns o lana faamuamua i le taimi nei o loo ave i le sa’ilia o se faai’uga talafeagai mo solo tetee a le aufaigaluega ina ia taofia ona ua atili faaletonu ai le tamaoaiga o le setete.
Fai mai le failautusi o le Transport for NSW, a tuu aofa’i faigamalaga a trains ua faalēaogāina ona o solo tetee a le iuni ua oo i le 1,900 amata faalēaogāina mai i le Aso Lulu o le vaiaso nei ma ua tatau lava ona toe faafoi tupe a tagata femalagaa’i.
E ui e to’atele o loo lagolago i lea manatu ae saunoa se tasi tamā matua e masani ona fealua’i i trains, afai ae faatino lea tulaga o le a tele foi le tupe a le malo e faaalu ai ma ono afua ai foi nisi faaletonu.
Puna o Faamatalaga: https://amp.abc.net.au/article/104824724
