O lea ua silasila le malo I le faaofi mai o le tatau ona faia siaki o le Koviti mo pasese uma mai le United Kingdom I le masina fou
Saunoa le minisita o le Koviti, Chris Hipkins o loo faatalanoaina pea lenei mataupu, ma o se isi foi faaopoopoga I pasese malaga mai e moomia ai le muai faailoa o le pepa faamaonia o le faaiuga o siaki o le Koviti faatoa mafai na oso I luga o le vaalele
O le itu o loo silasila ai foi le malo, poo ai tonu o le a siakia nei pepa ma’I aemaise o le tuuina atu o le faatagana e malaga mai ai
Saunoa Hipkins, e le o mama foi I le malo o nisi ua leva ona toe fia foi mai I Niu Sila ona ua leai se tupe, o lona uiga o le toe faia o nei pepa mai ua atili faaopoopo ai le avega
E le gata I lea ae o le toatele o atunuu o lea ua tapunia uma o latou malaevaalele I vaalele mai le UK, ma o le isi itu lea ua faafaigata ai foi ona taufaasoa faigamalaga a vaalele ma le fuainumera o I latou ua toe fia foi mai
Afai ae aloaia le tatau ona faia o nei siaki mo pasese ae le I tuua le UK, o lona uiga o le a le mafai ona faimalaga mai I latou ua faamaonia I siaki ua maua I le Koviti
Saunoa foi le minisita, o le faatupeina o nei siaki mo tagata mai le UK o le a pau lava lea I pasese faimalaga mai.
