A o sii ai e puleganuu tau o fanuatanu, o lea ua faailoa e le Funeral Directors Association taiala e fesoasoani ai i tagata i le taugata o tau e totogi mo sauniga o maliu.
O Wairoa lea e maualuga ai lava le siitaga o le tau mo fanuatanu, ua alu i luga i le 48% mai le tausaga talu ai ma ua $2,960, ae o tino maliliu susunu ma faaliu efuefu ua sii i le 42% ma o lea ua $630.
O Marlborough e 18% le siitaga mo fanuatanu ma ua $5,572, ae $1,971 mo le efuefu.
O Napier ua sii i le 22% tino maliliu susunu ma ua $895, ae o Tauranga ua sii i le 9% fanuatanu ma ua $5,450.
O Kalaiesetete o lea foi ua sii i le 10%, $3,356 mo sauniga i le fanuatanu ae $849 mo tino maliliu susunu.
A o maualuga ai lava la Wairoa, ua fai mai le Pulenuu ia Craig Little, o se siitaga ua umi ona fuafua mai ma o loo faatalanoa pea.
Ae i taiala ua faia e le asosi e fesoasoani ai i tagata, o loo sau ai le vave totogi o le fanuatanu ina ia maua ai le tau o loo iai pea nei, poo le taumafai e tuu ese se isi vaegatupe mo sauniga o maliu.
O ni siitaga ua toe lagona ai le talosaga o loo faatalosagaina ai le malo ia sii le Funeral Grant poo le fesoasoani lenei e totogi mai i aiga o tagata maliliu e agavaa mo lea fesoasoani, ma o le maualuga o loo iai nei o le $2,559.20.
Puna o Faamatalaga: http://Funeral costs grow as councils raise cemetery fees (1news.co.nz)
