Ua faatulaga e toe foi ane lava e faafoe le atunuu le CDU poo le Christian Democratic Union ina ua toe manumālō i le palota a le atunuu o Siamani na faia faavavave le snap election ona o popolega i mataupu tau femalagaa’iga, tamaoaiga o le atunuu ma le toe foi ane o Donald Trump e ta’ita’i Amerika.
Na faatumulia le ofisa o le pati ua mālō i le aulagolago ma i latou na aga’i ane e faailoa le fiafia i le i’uga o le palota.
O Friedrich Merz lea e ta’ita’ia le pati mālō ma afai ae faatumauina pea i’uga o le faitauga muamua o palota o lona uiga o le a avea loa le CDU ma faigamalo a Siamani ma avea ai Merz ma chancellor fou o lona atunuu.
O le pati o loo tulaga lua palota o le Alternative for Germany ae e lata i le 60 miliona tagata Siamani na agavaa e palota i le Aso Sa na te’a nei ma ua faailoa e Merz o loo ave lana faamuamua i le faamalosia o Europa i se taimi vave.
Puna o Faamatalaga: https://edition.cnn.com/world/live-news/germany-election-polls-results-intl/index.html
