O le ta’ita’i faaolioli o Siamani o Friedrich Merz ua ia faailoa se maliega fou soofaatasi i le va o vaega faaupufai autū e 2 o le atunuu.
Sa faatalitalia se tali ane a pati tetele ia e lua le CDU poo le Christian Democratic Union ma le SPD le Social Democratic Party mo se maliega a o feta’ua’ina ai le ono aafia o le atunuu i se recession poo se tulaga faaletonu o le tamaoaiga i le mae’a faailoa ane o totogi faaopoopo poo tariffs a Trump lea o loo aafia ai le lalolagi.
O le maliega la sa folasia e Merz o le ta’ita’i foi lea o le CDU lea na malo i le palota ia Fepuari.
Na faailoa e Merz i se feiloa’iga ma tusitala, o le faigamalo o le a iai a Siamani o se soofaatasi o le a o latou fetuuna’i ma inivesi ina ia faatumau le tulaga mautū o Siamani aemaise i le tamaoaiga.
O lea la ua folafola e Merz le toe faaolaolaina o le tamaoaiga o lona atunuu aemaise foi i le tamaoaiga o le Atu Europa pe afai ae tula’i mai o ia o le chancellor o Siamani.
Puna o Faamatalaga: https://edition.cnn.com/2025/04/09/europe/germany-coalition-deal-intl/index.html
