O le aso e feiloai ai le pulega o taavale afi I luga o le laueleele ma pulega o loli tetele e talanoa le le fiafia I tulafono fou mo taofi

O le aso muamua o Aperila o le tausaga nei na aloaia ai se tasi o faaopoopoga fou e moomia ai le toe siaki e le inisinia faapitoa o taofi o nei loli tetele, ma e le taugofie

O loo iai le faamoemoega o pulega taitoatasi o nei loli tetele e talosaga le pulega o taavale afi sei alofa e tuu mai I lalo

I nisi o molimau a pulega o kamupani loli ua faailoa I luga o le leitio a Niu Sila, e talafeagai lea suiga I loli o loo sui taofi poo nisi lava suiga tetele, peitai o le faia lea I le loli fou o lea faatoa taunuu mai o loo ua sau ma lona tusi faamaonia, e le fetaui

E oo atu I le $36 miliona tala le tau faaopoopo e totogi e I latou e anaina loli tetele ona o lea suiga

Ma ua saunoa ai David Crawford o le pule sili o le Motor Industry Association, e sese le suiga o le tulafono a le pulega o taavale afi