I seisi lipoti lata mai o le faalavelave na tupu i Ramarama i le aso ananafi ua aafia ai soifua o ni tagatanuu o Samoa ua faailoa ai i le lipoti a le newstalk o tagata faigaluega faavaitaimi e toatolu mai Samoa na mafai ona faasaoina mai i lea faalavelave o loo iai pea i le falemai.
Faamaonia e leoleo e toatolu ua maliliu i lenei faalavelave ao lei taina le lua i le aoauli ananafi i le va o Ramarama ma Bombay i le state highway 1.
O se loli ma nisi taavale e tolu na aofia i lea faalavelave ma umi ona poloka ai le motorway i Aukilani i Saute ma auala e fesootai atu iai. Faamatala i le lipoti lea faamatalaga mai se tasi o i latou e toatolu o loo i le falemai, faigata tele ona ia faamatala tulaga o le faalavelave ma o se tulaga malamalama lea tulaga ona o mafatiaga o faalavelave tutupu e maumau ai soifua.
Taua i le lipoti se faamatalaga a le Palemia o Niu SIla e faapea e lei fesootai mo le taimi nei ma le Palemia o Samoa e tusa o le mataupu ae o loo fia talanoa iai faafesagai i le fonotaga a le Pacific Island Forum.
O faamaisega ma alofaaga ua vaaia i upega tafailagi i nai alo ole atunuu ua aafia i lenei faalavelave ma nai o latou aiga.O loo faaauau le suesuega a leoleo i lenei faalavelave.
Puna o Faamatalaga: https://www.newstalkzb.co.nz/news/national/fatal-ramarama-crash-three-seasonal-workers-survive-horror-smash-community-rallies-to-support-families-of-dead-trio/
