O loo faatupula’ia faamata’u i le saogalemu o Niu Sila, o se faamatalaga lea mai le matagaluega o le Puipuiga a le atunuu ua faailoa i le lipoti a le NZ Herald i le asō.
I se lauga na faia i se faamoemoe i Ueligitone i le asō ua saunoa ai le minisita o le Puipuiga, Judith Collns e faapea a tuu i ni upu faigofie afai ae fusu elefane e to’alua e ono omia ai nai loi.
Na ia ta’ua o Saina o se uo lelei a Niu Sila ma e tele foi vaega o loo galulue faatasi ai aemaise i mataupu tau le tamaoaiga ma le tau.
E lelei tele foi le faigauo a Niu Sila ma Amerika ma e faaeteete lava foi i gaioiga e faia ma faamatalaga e faia ae lē faavaleaina e se tasi Niu Sila.
I lea foi lipoti ua ta’ua ai le faalauiloaina e Collins o faauluuluga o le vaega a le Army, Navy ma le Air Force ua ofoina lo latou soifua mo le puipuiga o le atunuu ma e ta’i 3 tausaga le umi o konekarate na amata i le aso ananafi.
O i latou ua filifilia o Commodore Garin Golding, Brigadier Rose King ma Air Vice Marshall Darryn Webb.
Puna o Faamatalaga: https://www.nzherald.co.nz/nz/politics/increasing-threats-to-nz-security-ministry-warns-as-judith-collins-appoints-new-defence-chiefs/ULQ4MZBFQZE4NPOA6TPOXISNJA/
