Ua aga’i sa’o i le vaega faaupufai a le National se finagalo o lē sa avea muamua ma faipule i le Palemene i lalo o lea vaega faaupufai, Anae Arthur Anae i le lē lagolagoina e lea pati o le pili faatatau i sitiseni a tagata Samoa e pei ona amata faatalanoaina ai nei finagalo.
I sana saunoaga i le RNZ na ta’ua ai e Anae, o le faailogalanu le faaigoaina o le gaioiga lea a le National ma e na o latou foi e lei lagolagoina le pili.
O loo ta’ua e le RNZ sa teena e le minisita o tagata Pasefika, Dr Shane Reti se faatalanoaga i le mataupu.
Na ta’ua foi e Anae i le lipoti lea pe ā ma le 10 afe o finagalo faaalia mo le pili na faia mai e tagata o loo i Samoa ma o loo iai foi ma se talosaga e faia atu i Samoa se isi vaega o faatalanoaga i lenei mataupu ma e toatele o loo lagolagoina lea taumafaiga.
Puna o Faamatalaga: https://www.rnz.co.nz/international/pacific-news/520413/former-mp-arthur-anae-slams-national-s-stance-on-samoa-citizenship-bill
