Ua lipotia le nofo sauni o David Seymour i se finauga poo le debate e faia ma Helmut Modlik e faatatau i le Treaty Principles Bill, i le lua masina talu ona lu’iina e le ta’ita’i o le Ngati Toa le ta’ita’i o le vaega faaupufai o le ACT.
O le masina fou ua fuafua e oo atu iai ua sauni le draft poo le kopi faata’ita’i o le pili a Seymour mo le faalauiloaina faalaua’itele ma sa faailoa foi e le National ma le NZ First o le a o latou lagolago i le faitauga muamua o lea pili.
O le finauga la lea o le a faasalalau tuusa’o i le Martin Bradbury’s Podcast, The Working Group ma faatautaia e Bradbury ma Damien Grant.
Fai mai Modlik o faamatalaga o loo faasalalau faalaua’itele e Seymour ma ana lagolago e pitotasi ma lē talafeagai, o le ala lea o lona tali atu i le finauga lea.
O le faamatalaga a Seymour sa faia i le Herald na ia ta’ua ai, o ia e fiafia e finau ma soo se tasi i le mataupu lea i soo se taimi ma soo se mea foi.
Ua ta’ua o le Aso Lua, 8 o Oketopa o le a faataunuu ai lea faamoemoe.
Puna o Faamatalaga: https://www.nzherald.co.nz/kahu/david-seymour-will-go-head-to-head-with-ngati-toa-leader-in-treaty-principles-bill-debate/7CZ2WOLRSVCWHCS5IPNCA52BKY/
