O le ‘au a le All Blacks ua iai nei i Aferika i Saute mo le latou malaga taamilo o le to’atele o i latou ia o le ulua’i taimi lea ua malaga ai i Aferika i Saute.
O le faia’oga o le ‘au, Scott Robertson sa taalo i le taaloga i le tausaga 2000 i Ellis Park ae na faia’oga i le Crusaders i le 2017 ina ua manumalo ai i le nofoaga lava lea i le 2017.
Na faailoa e Beauden Barrett i se faatalanoaga i le Newstalk e lei tele ni a latou toleniga mai le amataga o le vaiaso ae e oo atu i le taimi e tamomo’e ai i le malae, ua sauni ma o ai lava le ‘au sa malosi tapenaga, o le ‘au lava lea o le a manumalo.
O le taeao o le Aso Sa o muamua e fetaui ai le All Blacks ma le Springboks i Ellis Park.
Puna o Faamatalaga: https://www.newstalkzb.co.nz/on-air/early-edition-with-ryan-bridge/audio/kevin-putt-former-spring-bok-and-rugby-commentator-previews-the-all-blacks-v-south-africa/
