E fai si tele o polokalame aemaise o fuafuaga a tagata faaagaga mo le aso a taeao, le aso malolo ole Australian Day 2022 I Ausetalia nei. O se aso o le a faamanatuina ile atunuu atoa ma e felanulanuai tapenaga a setete eseese aemaise foi pitonuu mo le aso a taeao.

O le lua ai lenei o tausaga o iai pea fesuiaiga I sauniga faamanatu o lea aso malolo talu ona oo mai le koviti ile atunuu ma le lalolagi atoa ma e ui o loo tofu le setete ma nisi o aiaiga o le koviti I le taimi nei peitai e manatu le toatele e ao lava ona faataunuuina nisi o sauniga faapitoa ma taua o le AustralianDay.

I Sini ole a iai se sauniga e faia I el Sydney Opera House ile taeao faapea foi sauniga a first nations, tagata apoliki na uluai nofoia le eleele. Aofia ai ma se sauniga o se tu faaaloalo a le Navy a Ausetalia e faapapa ai fanafanua e21 atoaai ma se feau ole aso mai le Kovana sili o NIiu Sau Uelese, Margaret Beaszley.

E tali tutusa lava foi ma sauniga ua faatulaga I isi vaega e pei o Melepone, Brisbane, Adelaide ma Perth.