Ua faamata’u ane le Hamas o le a toe tolopo le faamatuu ane o pagota na o latou aveina mai Isaraelu se’ia iai se isi faaaliga ma ua o latou tuua’ia foi Isaraelu i le gausia o le maliega sa faia i le va o itu e lua.
Ua faaupu la e Isaraelu lea gaioiga o le gausia lea o aiaiga o le maliega.
Ua ta’ua e le CNN o loo finau atu Trump ia Isaraelu ina ia faalēaogāina le maliega ma tuu ai i le tulaga o le a oo iai pe afai e faaauau pea le mau a le Hamas.
O nisi faamatalaga mai le CNN ua ta’ua ai o Malo Aufaatasi, Qatar ma isi atunuu ua o latou talosagaina le kiliva atu o temporary shelters poo fale lē tumau i Gaza peitai e le’i taliaina e Isaraelu lea manatu.
Ua lipotia foi le faatonuina e le minisita o le puipuiga a Isaraelu o le vaega o le militeli ina ia sauni i se tulaga malosi mo soo se tulaga e ono tula’i mai i Gaza.
Puna o Faamatalaga: https://edition.cnn.com/2025/02/10/middleeast/hamas-says-postponing-next-hostage-release-intl/index.html
