Ua sao atu nei Wales i quarter finals o le Ipu a le Lalolagi i le lakapi ina ua mae’a lona faatoilaloina o le Wallabies a Ausetalia i le la taaloga i le taeao analeila, malo ai Wales i ‘ai e 40-6.
Ua faamautuina ai ma le sili o Wales i le pulu C ae ua lua ai ma faia’ina a Ausetalia i le latou pulu, faia’ina ia Fiti talu ai ma le faia’ina lea ia Wales.
O le iuga o taaloga mai le faaiuga o le vaiaso, taaalo Italia ma Uruguay, malo Italia i ‘ai e 38-17, Farani na faia’ina ai Namibia i ‘ai e 96-0.
Argentina na malo ia Samoa i ‘ai e 19-10, tutusa le taaloga a Georgia ma Portugal tai 18, o Egelani ma Chile, na lami Egelani ia Chile i ‘ai e 71-0, Aferika i Saute na faia’ina ia Aialani 8-13, Sikotilani na malo ia Tonga i ‘ai e 45-17 ma le taaloga a Wales ma Ausetalia i le taeao analeila, na faatoilalo ai e Wales Ausetalia, 40-6.
O le isi taaloga e sosoo ai a Samoa i lana pulu e fetaui ai ma Iapani i le aso 29 o Setema ae taaalo ai loa Niu Sila ma Italia.
