Ua faailoa e le Samoa’s Marine Pollution Advisory Committee le MPAC, poo le komiti faufautua i mataupu tau le sami i Samoa, o se kamupani e feagai ma le aveesea mai o vaa mai le sami, sa o latou asiasia le Manawanui ma le nofoaga o iai ma vaavaai ai poo ā mea o loo mana’omia e aveesea mai ai le suāuu o loo iai pea i luga o le vaa.

Ta’ua i le RNZ o le galuega o le aveesea mai o le suāuu i le vaa, ua mae’a ona ioeina e le ta’ita’ifono o le komiti lea i Samoa, Fui Tupai Mau Simanu, o meafaigaluega uma e mana’omia mo lea faamoemoe ua tapena uma mai i Whangarei ma fuafua e taunuu i Apia poo le aso 23 poo le 24 o Novema.

Na ia ta’ua foi o le tolu o isi containers mai le vaa lava o le Manawanui ua aveesea mai le aau ma ua toe faafoi atu i Niu Sila.

Fai mai le MPAC ua vaaia le faaleagaina o le aau e lē taumate mai containers ia e tolu ma ua faailoa foi e le vaega o le puipuiga a Niu Sila o loo ave le latou faamuamua i le aveesea mai o le suāuu mai le vaa ae o le isi ‘au poo le team o loo i le fogāeleele o le a feagai ma le puipuiina o le siosiomaga.

Fai mai le leitio faavaomalo a Niu Sila ua mae’a ona logoina tagata e aumau lalata ane i le faaitu o loo magoto ai le vaa ina ia lipoti ane ni kiso, otaota poo ni faailo lava o ni mea ua faaleagaina ai le sami pe a silafia.

Puna o Faamatalaga: https://www.rnz.co.nz/international/pacific-news/532554/salvage-company-assessing-how-to-extract-fuel-from-manawanui