E tolu faletupe i Ausetalia ua sainia sa latou maliega ma le Australia Post ina ia faaauau pea le auaunaga e aga’i ai tagata i faletupe e faatino ai a latou mataupu e mana’omia ai lea auaunaga.
O le Commonwealth, NAB ma le Westpac lea e aofia i le maliega lea ma latou te totogiina le lata i le 90 miliona i le tausaga auā le faatinoina o auaunaga nei tau faletupe i totonu o le Australia Post aemaise lava i nofoaga maotua.
Fai mai le Australia Post o le maliega ua sainia nei o le a amata faatino ia Oketopa o le tausaga nei.
Ua ta’ua i lipoti ua amata foi feutana’iga a le Australia Post ma le Macquarie Bank ma le HSBC.
Puna o Faamatalaga: https://www.9news.com.au/national/major-banks-sign-new-agreement-australia-post-extended-ban-on-branch-closures/aadec12e-5b5f-4b6a-a2ba-0e7034ebf9a6
