Ua sainia nei se maliega tau faasalalauga mo le taamilosaga o le lakapi liki a tamaitai ma ua faamaonia mai e 10 kalapu ua aofia ai ma o le Alaata9 ua faamautuina lea maliega o le a faasalalau tuusa’o ai taaloga uma a tamatai i le TV Network ma le 9Now.
E 11 vaiaso e faagasolo ai le taamilosaga o le tausaga nei 2023, lona uiga e 48 taaloga e faia a o finau ai le Newcastle Knights e faatumau lo latou manumalo mai le tausaga talu ai.
Fai mai sui o le Alaata9 ma le lakapi liki ua nofo sauni e faalauiloa taleni a tamaitai o le a tausinio i le taamilosaga i lenei tausaga.
O le taamilosaga muamua e amata ia Iulai 22 e fetaui ai le Titans ma le Cowboys i le Super Stadium, sosoo ai ma le Knights ma le Dragons ma le Broncos o le a fetaui ma le Roosters.
E toatele foi nai alo o Samoa o loo tausinio ai i lea taamilosaga.
