Ua sainia nei se maliega Memorandum of Understanding i le va o Ausetalia ma le Atu Filipaina ma ua saunoa le Palemia o Ausetalia, Anthony Albanese a o iai faatasi ma le Peresetene o le Atu Filipaina o Ferdinand Marcos Jnr e telē le faamoemoega o le a sologa lelei lea maliega ma galulue faatasi ai atunuu e lua aemaise o le galulue ia fausia se itulagi e faaaloalogia ai tulafono faavaomalo ma ia tatala sootaga tau fefaatauaiga.
Fai mai Albanese ua malilie foi atunuu e lua e galulue faatasi i le mataupu tau le faaaogāina o le initaneti aemaise le faamalosia o le galulue faatasi i mataupu tau le tulafono ma faiga faavae.
