O loo ua valaau nei sui o le malo o Saina i le Peresetene o Amerika ina ia faalēaogāina uma ana totogi faaopoopo poo tariffs a o faaauau ai pea le taua o fefaataua’iga i le va o ia atunuu tetele o le lalolagi.
Fai mai sui o le atunuu o Saina latou te una’ia Amerika ia fai sana laasaga e toe faasa’o ai ana mea sese i totogi nei ma toe faafoi i le ala sa’o o le faatinoina o mea.
Fai mai le BBC e foliga sa tau iai sina faamāmā avega i le Aso Faraile talu ai na ofo ane ai ni nai pa’ū i nisi o oloa gaosia i Saina e le’i aofia i tariffs.
Peita’i na faailoa e le failautusi o tulaga faapisinisi a Amerika e lē tumau ia faamāmā avega.
Fesiligia le sui o Amerika i tulaga tau fefaata’ua’iga pe o iai se fuafuaga mo se talanoaga i le va o ta’ita’i e lua, Saina ma Amerika ae faailoa e Jamieson Greer e lē o iai se fuafuaga faapea.
O le taimi nei e 145% le maualuga o tariffs o loo tuuina e Amerika i oloa a Saina.
Puna o Faamatalaga: https://www.bbc.com/news/articles/c62z54gwd22o
