O saienitisi i le Wuhan Institute of Virology i Saina ua o latou maua se isi ituaiga koronavairusi i le meaola o le pe’a e mafai ona ulufale i sela o le tino o le tagata e tai pei lava o le SARS ma le koviti na aafia ai le lalolagi.

O faamatalaga ia mai se su’esu’ega mulimuli nei na faia ma ua lomia e ui e lē o iai ni lipoti o ni tagata ua aafia i lea ituaiga vairusi ma ua faailoa e i latou atamamai i nei mataupu, e lē o iai se tulaga lamatia o lea tulaga i le soifua lautele o tagata.

O le vairusi fou la lea o se vaega o le auaiga o le ituaiga vairusi na mafua ai le MERS poo le Middle East Respiratory Syndrome.

Fai mai le ausu’esu’e o loo faaauau nei ona o latou mata’itūina lea vairusi ma faailoa mai ni updates i tagata lautele.

Puna o Faamatalaga: https://www.9news.com.au/world/scientists-have-identified-a-new-coronavirus-in-bats-but-its-not-a-public-health-threat/044ee6bf-8c74-4834-a03d-8a7ab7a4fd07