O le asō ua faatulaga e amata faamamalu ai lafoga faaopoopo ua tuuina e Saina i luga o oloa a Amerika e ave ane i totonu o Saina a o faaauau ai pea finauga tau fefaataua’iga i le va o nisi o atunuu tetele e lua o le lalolagi a o faaauau pea ona faia faamata’u a Trump e faaoo atu foi le faiga o ana tariffs i isi atunuu.
O le aso 4 o le masina nei na amata faamamalu ai lafoga a Saina ua faia i luga o oloa auina atu i le atunuu, o le asō foi ua lipotia ai le faia o nisi lafoga e 25 pasene i luga o oloa e pei o le alumini ma le u’amea.
O oloa a Amerika ua faia iai lafoga a Saina e aofia ai le coal ma oloa tau kesi faalenatura aemaise le suāuu, oloa tau faato’aga ma taavale tetele.
Ua faailoa e le BBC sa faaseā le Peresetene o Amerika i le Iuni a Europa ma ana lafoga sa faia i oloa a Amerika, fai mai Trump e maualuga mamao atu lafoga ia nai lo lafoga o loo faia e Trump i isi atunuu.
Puna o Faamatalaga: https://www.bbc.com/news/articles/cvg8zg7ll09o
