I le mataupu e faatatau ia Niu Sila ma le AUKUS Pact, ua faailoa nisi o faamatalaga i le asō i le naunautaiga o le malo e auai i le maliega lea.
O le lipoti a le One News ua ta’ua ai penefiti tau le tamaoaiga ma le faapolokiki o lea maliega.
Saunoa le minisita o puipuiga a le atunuu o Judith Collins i le RNZ sa ia talanoa i avanoa ia faatasi ma le failautusi a le malo tele o Amerika i mataupu tau auupega i le amataga o le masina nei ma e iai le manatu o loo iai avanoa lelei mo Niu Sila ma o loo iloilo lea tulaga i le taimi nei.
Ua faailoa foi e lei leva nei ona malaga ane minsita o le va i fafo mai Saina ma Peretania foi mo talanoaga faavaomalo.
Fai mai Collins mo le taimi nei o loo faia pea le iloiloga i itu lelei o le AUKUS Pact mo Niu Sila.
