Ua amata faitau masina e 12 ona aulia lea o le atoaga o le 100 tausaga talu ona faavae le kolisi o Avele lea e pa’ū tonu i le masina o Iuni o le tausaga fou 2024.
O se tasi o polokalame ua amata ai ona tapisa tapenaga o lea aso faailogaina o le kolisi, o le tauvaga e saili ai se tausala ma se manaia, e pei ona faailoa e sui o le komiti o loo feagai ma tapenaga o le taimi muamua lea ua faia ai se tauvaga faapea.
O le faamoemoe ia saili se seleni e fesoasoani ai e faaleleia nisi o vaega o loo faaaogā mo le aoaoina o fanau.
O se sui o le komiti o loo tapenaina le tauvaga o le a saili ai se tausala ma se manaia a le kolisi o Avele.
O le Faletaalo o le Gym 1 i Tuanaimato o le a faia ai le faamoemoe i le Aso Faraile o le vaiaso nei.
