I le malaga atu ai o le ta’ita’i o le atunuu, Christoper Luxon i Peretania, o lea ua faamaonia mai le faalauiloa faalaua’itele ai e le malo o Peretania o se faigapaaga ma le malo a Niu Sila e ala i se maliega, faamauina e oo atu i le 30 miliona uro pe tusa lea ma le 66.8 miliona tālā Niu Sila mo le fausiaina ma le faatino ai e se kamupani Niu Sila o ni drones a o amata ai ona talanoa ma faatino se tasi o polokalame fesoasoani mo fitafita tau a Ukraine.
Ua faailoa foi le faaopoopo ai o le numera o fitafita Niu Sila o le a fesoasoani atu i le galuega soofaatasi ma Peretania ua ta’ua o le Interflex, e galulue e famausalī polokalame i le malamalaga ma le faaa’upegaina o fitafita Ukraine o loo i totonu i Peretania i le taimi nei.
Ua lipotia e le leitio faavaomalo a Niu Sila (RNZ), le lagolagoina malosi e le ta’ita’i o le malo o Peretania o lenei faigapaaga, ma ia faapea ai, o lenei konekarate ua sainia ma ua faamaonia e lagolago atu ai i le malo o Ukraine.
I le galulue faatasi ai o malo e lua e fesoasoani atu i le malo o Ukraine, ua famauina le oo atu i le 54,000 fitafita Ukraine o loo i le atunuu o Peretania mo galuega ma polokalame faalea’oa’oga i le faalaua’iteleina o le malamalama o nei fitafita.
Puna o Faamatalaga: https://www.rnz.co.nz/news/national/558819/nz-uk-strengthen-military-partnership-to-support-ukraine-including-drones
