O se su’esu’ega tele a leoleo sa faia ua faai’u i le pu’eina o tagata e to’afā ma le to’alua ua molia i le mae’a o se faalavelave na tupu i se nofoaga faitele i le itu i Sisifo o Sini.
O le su’esu’ega a le Strike Force e su’esu’e ai le sapalai o fuālaau faasāina ma soligatulafono fuafuaina na o latou maua ai ma faamatalaga i le faalavelave lea na faaaogā ai se fana i St Marys i le aso 3 o Ianuari.
E leai ni manu’aga o lipotia mai ae o le aoauli na tupu ai i le ‘afa o le 2 na taofia ai e leoleo se taavale i Alpha St i Blacktown.
E to’afā alii, 23, 20 ma le to’alua e ta’i 25 tausaga na pu’eina ai.
Na toe tatala i tua le isi to’alua e le’i faia ni moliaga.
Na su’e foi e leoleo ni fale i Jordan Springs ma e feta’ua’ina na maua iai le 244 kalama o le aisa, masini alu i le uila ma lavalava.
Ua molia ai se alii 23 tausaga i moliaga e faatatau i se fana ma fuālaau faasāina.
O le isi na molia i lona faapāina o le fana ma le faamoemoe e faaoo ai ni manu’aga.
Na teena uma a la talosaga mo le tatala ai tua ma tutula’i ai i le faamasinoga i le aso ananafi.
Puna o Faamatalaga: https://www.9news.com.au/national/two-charged-public-place-shooting-st-marys-blacktown-sydney/f7759d81-f29d-4143-bbe8-a31f828b0e17
