Na pu’e foi e leoleo se alii mai Perth ua feta’ua’ina na ia faasusulu se moli, laser light agai i le vaalele helicopter a leoleo i le po anapo i le itu i Sisifo o Ausetalia poo WA.
Fai mai le faamatalaga sa faatino le petolō a leoleo i le faaitu o Rockingham ae sulugia ai le helicopter i le laser light lea poo le ‘afa o le 12 i le vaveao.
Na faia suesuega a leoleo ma maua ai le alii lea mai tuafale o se fale i Silverton Circle.
E 44 tausaga ma ua fuafua e molia i le faatupu o lagona fefe ma e lē taumate e tulai i le faamasinoga i se aso e faatulaga ane.
O mataupu faapea fai mai e ono oo atu i le 10 afe le faasalaga tupe auā o le sulugia o mata o le pailate e ono tauaso ai mo sina taimi ma tulai ai se faaletonu tele e aafia ai soifua.
Puna o Faamatalaga: https://www.9news.com.au/national/perth-man-arrested-after-police-helicopter-hit-by-laser-light/e3b91016-6da8-4795-be50-724b660bc57b
