O loo faatalia nei se isi lipoti mai leoleo e faatatau i se alii na ofu atu lona ofu Santa Claus poo le tamā o le Kirisimasi ma aafia ai i se faalavelave i le faleoloa o le Bunnings i Melepone. 

Fai mai leoleo e ese gaioiga a le tagata lea sa faia i totonu o le faleoloa ma faatonuina ai e agai ese ma iu ai ina agai atu leoleo ma aveesea mai ae faasaga ane osofai leoleo. 

Na ave atu i le falemai mulimuli ane ina ua spray e leoleo i le pepper spray e faafilemu ai ma o loo faaauau suesuega i lea mataupu i le taimi nei. 

O le manatu o nisi e ese foi lea ituaiga Santa e faamisa, e ese mai le Santa masani e fiafia e faatalanoa ma faamanuia i tagata.

E le mailoa pe mafua i se a ae pau le popolega o talafou ina nei tei ua tagofia e Santa lea le vao sa lipotia atu lea ua faaleagaina ai spinach, ae o lea e foliga ua aafia atu ai ma si Santa lea e iu ina fai Kirisimasi i le ofisa o leoleo.