Mai Adelaide ua pu’eina se tamaitai i le asō e leoleo ina ua feta’ua’ina sa ia faaoolima i se alii e faaaogā ai se pou uamea i le taeao analeila.
Fai mai o le ogatotonu o le aai o Adelaide na tupu ai le faalavelave ma valaau ane ai leoleo i le vaveao poo le ‘afa o le 4 i Whitmore Square.
Na maua atu ai e leoleo se tamaitai talavou e 18 tausaga ua lipotia sa ia faaoolima i le alii ua aafia.
Fai mai le 9News na taumafai le tamaitai e sola ese mai le nofoaga lea peitai na pu’eina ai e leoleo.
Na togafitia e paramedics lē na aafia ma ave atu i le falemai mo togafitiga.
O lē ua taofia e mai Kilburn ma ua molia i le faaoolima.
E lei mafai ona tatala i tua ma e tulai i le asō i le faamasinoga.
Puna o Faamatalaga: https://www.9news.com.au/national/whitmore-square-woman-arrested-after-allegedly-assaulting-man-with-metal-pole-in-adelaide/e2eb2b81-3f5f-4095-9ca4-650895085857
