Ua ta’utino foma’i sinia mai le falema’i i Nelson i le popolega i soifua o gasegase ona o le to’agaogao o le aufaigaluega.

O loo lagolagoina e le iuni finagalo faaalia o foma’i sinia e to’aono mai le falema’i.

O loo ta’ua ai foi le umi o le lisi faatalitali ma o se faiga e ono lamatia ai soifua o tagata.

O loo lipotia e le 1News, e moni o lea e tele falema’i i Niu Sila o loo pagatia, peitai o le falema’i lenei i Nelson e pei ua sili atu ona faaletonu ona o le umi e faatali ai le taimi e vaai ai le foma’i ma e aofia ai ma nisi o gasegase ua maua i le kanesa.

Ua ta’utino le matāgaluega o le soifua mālōlōina, e lē lelei.

Ua toe ta’utino mai foma’i, o le to’agaogao o le aufaigaluega ma le faaauau pea ona tuu tagata i le lisi faatalitali o ni mataupu na mua’i laga i pulega i le tolu tausaga talu ai.

E iai nisi o tagata aafia o lea ua toe faatoese iai le matāgaluega.

Puna o Faamatalaga: Senior doctors speak out over concerns about staffing, patient safety at Nelson Hospital