A o fiafia ai tagata Kiwi o loo i Ausetalia i le tala ua sau, o loo iai foi ma le popolega i le ono agai o le toatele o tagata faigaluega o loo i Niu Sila i Ausetalia.
Fai mai le pule sili o le Auckland Chamber of Commerce, Simon Bridges, o se matuai penefiti tele lea mo tagata Kiwi o loo i Ausetalia, peitai ua le faigofie ai nei i pisinisi Niu Sila ona taumafai e taofiofi tagata Kiwi iinei.
O loo faaluaina foi e se tasi o tagata suesue faapitoa tau pisinisi e pei ona toe molimau ai Cameron Bagrie i tala a le Stuff, o le a matuai aafia ai faaiuga a le toatele e le gata i galuega aemaise filifiliga poo fea le atunuu e nonofo i le taimi o loo faaletonu ai le tamaoaiga.
E le o faigofie i pisinisi le fiu e sue tagata galulue, ma o le tala ua sau nei e ono suia ai mafaufau o le toatele aemaise lava i tagata galulue i le soifua maloloina.
Ae mai le Palemia o Niu Sila, Chris Hipkins e le o iai sona manatu o le a iai se suiga tele i faaiuga a tagata Niu Sila i le ono agai i Ausetalia.
